Општина Центар – Скопје објави јавен повик за практикантство, нудејќи им на студентите и апсолвентите можност за стекнување реално работно искуство во општинската администрација.
Програмата овозможува практична обука во различни сектори, со цел вклучување на младите и внесување нова енергија во институциите.
Практикантите ќе добиваат месечен надоместок од 15.000 денари, а ангажманот може да трае до шест месеци. Повикот е наменет за студенти и апсолвенти – жители на општината, а предвидени се вкупно осум места.
ЈАВЕН ПОВИК
За практикантство во Општина Центар – Скопје
Општина Центар-Скопје распишува Јавен повик за практикантство (ангажирање на практиканти) во Општина Центар – Скопје.
Јавниот повик е отворен од 27.04.2026 година и ќе трае до 10.05.2026 година. Практикантската работа ќе започне од 01.06.2026 година.
Со овој јавен повик ќе се овозможи на сите студенти и/или апсолвенти на државни/меѓународни/приватни факултети да остварат практикантство во Општина Центар – Скопје, кои жители на општина Центар – Скопје.
Практикантството ќе се реализира во секторите на општината согласно можностите и потребите на општинската администрација на општина Центар.
Потребно да се достават следните документи:
- Барање за практикантство;
- Доказ дека се студенти и/или апсолвенти на државни/меѓународни/приватни факултети,
- Лична карта и трансакциска сметка,
- Кратка биографија (CV)
Барањата со комплетна документација се доставуваат во архивата на Општина Центар- Скопје, барака бр.6, од 09:00 часот до 15:00 часот, почнувајќи од денот на објавување на јавниот повик (27 Април 2026). По доставувањето на документите, подносителите ќе бидат известени за текот на постапката.
Согласно член 7 од Законот за практикантство, Општина Центар ќе прифати максимум осум (8) практиканти, а согласно член 6 од истиот закон, правото на практикантство е еднократно, со максимално времетраење од 6 месеци.
За сите дополнителни информации, граѓаните можат да се обратат на телефонскиот број 02/ 3203-600 и 02/ 3203-655 или на следната е-маил адреса: vesna.mihajlovakukovska@centar.gov.mk