Големата побарувачка за работници е резултат на силната економија, но и на стареењето на населението, што создава зголемена потреба од квалификувана работна сила. Најголем недостиг има во здравството, каде се бараат лекари специјалисти, медицински сестри, хируршки техничари и помошен персонал.
Паралелно, отворени се и бројни позиции во техничките и индустриските сектори – машински работници, металопреработувачи, столари, како и стручњаци во фармацевтската и радиолошката област.
Најголем дел од работните можности се концентрирани во економски развиените региони како Цирих и централниот дел на земјата, каде работодавачите нудат различни модели на вработување – од класични договори до флексибилни ангажмани.
Просечната месечна плата во Швајцарија изнесува околу 7.400 евра, додека во ИТ и телекомуникацискиот сектор може да надмине 9.700 евра. Највисоки приходи се бележат во финансискиот и осигурителниот сектор, каде платите достигнуваат и до 10.800 евра месечно.
Сепак, пристапот до швајцарскиот пазар на труд не е лесен. Повеќето работни позиции бараат високо образование, релевантно искуство и познавање на јазик, особено германски. Дополнително, потребно е да се обезбеди работна или престојна дозвола.
Иако нема единствена минимална плата на национално ниво, Швајцарија останува исклучително привлечна за оние што бараат повисоки приходи и подобри услови за работа, но успехот бара сериозна подготовка и прилагодување на локалните правила.