Кога е затворен, телефонот има надворешен екран од 5,4 инчи, додека со отворањето се добива најголемиот екран досега вграден во iPhone. И двата екрана поддржуваат 120 Hz освежување, а Apple посветил внимание и на намалување на видливоста на наборот на средината.
Уредот работи со iOS 27, кој е приспособен за преклопливиот формат. Можно е користење две апликации истовремено, гледање видео во полусвиткана положба, а поддршката за Apple Pencil треба да пристигне подоцна.
iPhone Duo го користи новиот A20 Pro процесор, има систем со две батерии и поддржува брзо полнење. Apple наведува до 31 час репродукција на видео. Телефонот работи исклучиво со eSIM.
На задната страна има две камери од 48 MP, а за отклучување наместо Face ID се користи Touch ID вграден во страничното копче. Уредот ќе биде достапен со различни капацитети на меморија, до 2 TB.
Со почетна цена од 1.999 долари, Apple влегува директно во премиум сегментот на преклопливи телефони, неколку години по конкурентите како Samsung и Google. Официјалната цена и достапноста за Македонија сè уште не се објавени.