Најмногу туристи пристигнуваат во Скопје, а на второ место е Охрид, кој традиционално привлекува посетители поради природните и културни атракции.
Зголемен број на летови и патници
Во првите шест месеци од 2024 година, двата аеродрома – Меѓународниот аеродром „Скопје“ и аеродромот „Св. Апостол Павле“ – Охрид – опслужиле вкупно 1.529.451 патник, што претставува раст од 5% во споредба со истиот период лани. Бројот на летови се зголемил за 3%, односно се реализирале 12.235 авиолинии од јануари до јуни.
Во јуни, двата аеродрома регистрираа 324.285 патници, што е зголемување од 12% во споредба со јуни 2023.
Подготовка за поголеми авиони
Аеродромскиот оператор ТАВ Македонија соопшти дека е подготвен да опслужува дури и широкотрупни авиони, како што се Airbus A350 и Boeing 787 Dreamliner, кои два пати слетаа на скопскиот аеродром во јули. Поводот беше Европскиот младински олимписки фестивал – Скопје 2025, при што беа регистрирани и 17 дополнителни чартер-летови.
Оперирањето со ваков тип авиони беше овозможено поради техничката подготовка на аеродромската инфраструктура. Пистата на Скопскиот аеродром е продолжена и рехабилитирана, што овозможува сигурно слетување и полетување на големи авиони.
Најпопуларни дестинации
Во првото полугодие од 2024 година, Истанбул беше најфреквентната дестинација од скопскиот аеродром, а потоа следуваат Базел-Милуз, Франкфурт, Цирих, Минхен-Меминген, Дортмунд и Виена.
Најмногу летови се реализираат кон Германија, Турција, Швајцарија, Италија и Шведска.
Раст и во Охрид
Охридскиот аеродром „Св. Апостол Павле“ бележи двоцифрен раст од 10,9%, со 103.792 патници во првата половина на годината. Дополнителни чартер-летови и нови линии придонесоа за зголемувањето на сообраќајот во овој туристички регион.