Француските власти воведоа забрани за консумирање и продажба на алкохол на јавни места во Париз, во обид да го намалат притисокот врз болниците во главниот град за време на топлотниот бран, објави Би-Би-Си.
На парижаните ќе им биде забрането да пијат алкохол на јавни места од пладне во петок до 7 часот наутро во сабота. Мерките ќе бидат во сила во истото време од сабота до недела.
Топлотниот бран што ги остави Шпанија, Велика Британија и Франција прегреани со денови ќе се помести кон исток, а метеоролозите во Германија и Чешка предупредуваат на екстремни температури.
Температурите во Германија би можеле да достигнат 40 степени Целзиусови низ целата земја во петок. Во поголемиот дел од Чешка е во сила предупредување за екстремни временски услови.
Забраната за продажба на алкохол ќе биде во сила од 18:00 часот во петок до 7:00 часот во сабота во главниот град, а повторно во истото време од сабота до недела.
Лиценцираните барови и ресторани се ослободени од ограничувањата.
Откако Франција го забележа својот најтопол ден во средата, рекордите продолжуваат да се рушат. Метео-Франс соопшти дека просечната минимална температура достигнала 22 Целзиусови степени во среда навечер. Нант регистрирал 27,2 Целзиусови степени на северозапад.
Градоначалничкот на Париз, Емануел Грегоар, изјави дека стапката на смртност е во пораст во главниот град.
Рист рече дека сите мора да ги прилагодат нивните активности и движења за време на високите температури.
„Дури и ако сте млади и во добра здравствена состојба без никакви основни медицински проблеми, оваа топлина ќе влијае и на вас,“ изјави тој.