Но, кога станува збор за практични дигитални вештини, разликата е огромна.
Само 7,4 отсто од граѓаните користеле програми за табеларни пресметки, како Excel, додека просекот во ЕУ е 40,3 отсто. Презентации креирале 13,7 отсто, наспроти 40,3 отсто во ЕУ. Кај програмирањето, уделот е 4,2 отсто во Македонија, во споредба со 7,2 отсто во ЕУ.
И во регионот Македонија заостанува. Табеларни пресметки користат 39,6 отсто од граѓаните во Црна Гора, 29,9 отсто во Србија, 23,6 отсто во Босна и Херцеговина и 18,6 отсто во Албанија.
Податоците покажуваат дека честото користење интернет не значи и висока дигитална писменост. Дигиталните вештини опфаќаат работа со податоци, креирање содржини, решавање проблеми, комуникација и безбедност.
Ова е важен економски предизвик, особено со развојот на вештачката интелигенција, која ќе бара сè поголемо познавање на дигиталните алатки, податоците и автоматизацијата.
ЕУ има цел до 2030 година 80 отсто од населението да има барем основни дигитални вештини, додека во 2025 година просекот е околу 60 отсто.
Македонија има Стратегија за образование на возрасни 2025–2030, која ги вклучува дигиталните вештини и доживотното учење. Но, потребно е овие мерки да се претворат во конкретни можности за обука.
Проблемот веќе не е дали имаме интернет, туку дали знаеме доволно добро да го користиме за работа, учење и создавање вредност.