Според ново глобално истражување на платформата Discovercars.com, 23% од испитаниците изјавиле дека во Италија доживеале непредвидливо или ризично однесување во сообраќајот, со што таа е на првото место.
На второ место е Велика Британија со 11%, а потоа следуваат САД со 9%, Франција и Австралија со по 5%, додека Шпанија и Турција имаат по 4%.
Најмногу ги нервира некористењето трепкач при свртување, што го навеле 56% од испитаниците. Следуваат возењето премногу блиску до возилото пред вас (46%), бавното возење во лентата за престигнување (43%) и наглото сопирање (20%).
Италија не поминала најдобро ниту во истражувањето за учтивост на Remitly, каде што е 24-та од 25 земји. Полошо е рангирана само Австрија.
На врвот на листата за учтивост е Јапонија, по која следуваат Канада и Велика Британија. Од друга страна, Бразил и Чиле имаат највисока самопроценка за учтивост – по 9,46 од 10.