Меѓу нив е и Форд, кој повторно ангажира стотици инженери за да ги решат проблемите со квалитетот што автоматизираните системи не успеале да ги надминат. Од компанијата истакнуваат дека вештачката интелигенција е моќна алатка, но не може целосно да ја замени човечката експертиза.
Сличен пресврт направија и Комонвелт Банката на Австралија (CBA) и IBM. Австралиската банка врати дел од отпуштените вработени откако ботот за корисничка поддршка не ги исполнил очекувањата, додека IBM најави тројно зголемување на вработувањето на почетни позиции во САД до 2026 година.
Истражувањето на Orgvue покажува дека 39% од бизнис-лидерите отпуштиле работници поради воведување на вештачка интелигенција, но дури 55% подоцна признале дека тоа било грешка.
Експертите предупредуваат дека вештачката интелигенција најдобро функционира како поддршка на луѓето, а не како нивна целосна замена. Компаниите што инвестирале само во автоматизација, без да ги обучат своите вработени, сега се соочуваат со потреба повторно да вработуваат кадар за надзор и решавање на посложени задачи.