Според најновите податоци на Евростат, 21,3% од вработените и самовработените лица во Европа редовно работат за време на викендите. Процентот е значително повисок во земјите од Балканот и Медитеранот.
На прво место е Грција, каде што за викенд работат дури 41% од работниците. Следуваат:
- Босна и Херцеговина – 33%
- Македонија – 32%
- Малта – 32%
- Кипар – 32%
Кога се анализираат само вработените, без самовработените лица, Грција, Кипар и Македонија повторно се на врвот, со повеќе од 30% работници кои редовно работат за викенд.
Сосема поинаква е состојбата во северна и источна Европа. Во Литванија за викенд работат само 4% од работниците, во Унгарија 7%, а во Полска 7,5%.
Сопствениците работат почесто од вработените
Податоците покажуваат дека 46% од сопствениците на бизниси и самовработените лица работат за викенд, наспроти 18,5% од вработените.
Кај самовработените и работодавачите, повторно предводи Грција со дури 75%. Следуваат Белгија со 66% и Франција со 60%.
Кој најчесто работи за викенд?
Викенд-работата најмногу зависи од професијата и секторот. Најчесто работат:
- 47,6% од вработените во услужните дејности и продажбата
- 47,2% од работниците во земјоделството, шумарството и рибарството
- 25,7% од работниците во основните и физички занимања
Податоците покажуваат дека за голем број работници во Европа, а особено на Балканот, саботата и неделата сè уште не значат задолжително одмор.
Извор: Euronews и Евростат