Половина од Македонците што купуваат онлајн плаќаат во кеш, кај повозрасните дури 82%
Актуелно

Половина од Македонците што купуваат онлајн плаќаат во кеш, кај повозрасните дури 82%

16. 11. 2026.

Половина од граѓаните во Македонија кои купуваат производи преку интернет плаќаат исклучиво во готовина при достава, додека само 12,7% плаќаат исклучиво онлајн, покажува анализата на Асоцијацијата за е-трговија на Македонија (АЕТМ), поддржана од Visa.

Според податоците на Светската банка, најголема разлика има меѓу возрасните групи. Кај онлајн купувачите на возраст од 15 до 34 години, 40,3% плаќаат само во готовина, додека кај лицата над 55 години овој процент достигнува 81,8%.

Разлики се забележуваат и според местото на живеење – во руралните средини 60% од купувачите плаќаат исклучиво во кеш, наспроти 41,4% во урбаните средини.

Иако 75,2% од возрасното население поседува дебитна картичка, само 28% користеле мобилен телефон или интернет за купување производи и услуги.

Од АЕТМ посочуваат дека решението не е укинување на плаќањето при достава, туку создавање подобри услови за дигитално плаќање преку поголема доверба, едукација и поедноставно корисничко искуство.