Бензинец или дизел: Кој навистина ви заштедува повеќе пари?
Актуелно

Бензинец или дизел: Кој навистина ви заштедува повеќе пари?

20. 11. 2026.

Дали е поисплатливо да возите бензинец или дизел? Одговорот зависи од тоа колку километри поминувате годишно, каде најчесто возите и колку трошите за гориво и одржување.

Според цените утврдени од Регулаторната комисија за енергетика на 16 ноември, бензинот Еуросупер БС-95 чини 84 денари за литар, додека дизелот е 92 денари.

Иако дизелот е поскап, неговата помала потрошувачка може да донесе заштеда. На пример, бензинец што троши 7 литри на 100 километри ќе потроши 588 денари, додека дизел со потрошувачка од 5,5 литри ќе потроши 506 денари.

Разликата е 82 денари на 100 километри, односно 16.400 денари на годишно ниво доколку поминувате 20.000 километри, под претпоставка дека цените и потрошувачката остануваат исти.

Кој автомобил е поисплатлив?

За возачи што поминуваат до 12.000 километри годишно, претежно низ град, бензинецот најчесто е подобар финансиски избор. Од друга страна, дизелот може да биде поисплатлив за оние што возат над 20.000 километри годишно, особено на автопат и подолги релации.

Сепак, експертите потсетуваат дека дизел-возилата можат да имаат повисоки трошоци за одржување, особено поради DPF-филтерот и другите компоненти.

Заклучокот е дека помалата потрошувачка не значи автоматски и поголема заштеда – важни се и цената на автомобилот, сервисирањето и начинот на возење.