Секој може да го направи сам, состојките се лесно достапни, а ќе имате бронзен тен на кој ќе ви завидуваат сите.
Со доаѓањето на летото речиси и да не постои човек кој не посакува да има фатено боја на своето тело. Освен со креми за потемнување, ви претставуваме домашен рецепт за подготовка на масло за сончање. Секој може да го направи сам, состојките се лесно достапни, а ќе имате бронзен тен на кој ќе ви завидуваат сите.
Основата е маслиново масло во кое се додаваат уште 2 природни состојки, односно потребно ви е:
300 ml маслиново масло, 2 моркови, 6-7 млади оревчиња.
Во поголема тегла изрендајте ги морковите, исечкајте ги оревчињата и прелијте ја смесата со маслиновото масло.
Добро затворете ја теглата и оставете ја најмалку 4 недели (а најдобро 40 дена) да отстои на сончева светлина. Повремено промешувајте ја содржината во теглата. Кога ќе помине времето на „сончање“ на теглата, процедете ја течноста, а маслото ставете го во шишенце.
Сепак, имајте предвид дека овој домашен препарат содржи низок заштитен фактор 2, односно не може да ве заштити доволно од сончевите зраци, па претходно нанесете крем со висок SPF, а по половина час намачкајте се со маслото. За само 2 дена ќе ја забележите разликата. Ќе потемните многу побрзо, а предноста на ова домашно масло е што кожата истовремено ќе ви биде нежна и нахранета.
