Развојот на технологијата овозможи тастатурата речиси целосно да ги замени хартијата и пенкалото. Сепак, колку што развојот на технологијата направи некои работи полесни и побрзи, има и лоши ефекти од развојот.
Многу научници го проучувале влијанието на ракописот врз мозокот и според спроведените истражувања – ракописот има многу позитивно влијание врз функцијата на мозокот, што не може да се каже за пишувањето на тастатурата.
Ја подобрува меморијата
Студија од 2017 година покажа дека мозочните региони поврзани со учењето се поактивни кога испитаниците вршат задача рачно наместо на тастатура.
Оваа тема е разгледувана од многумина. Еден забележителен пример од 2014 година ги спореди учесниците во истражувањето кои пишуваат рачно со оние што пишуваат на тастатура.
Истражувачите откриле дека учесниците кои пишувале на тастатурата запишувале што зборувал професорот од збор до збор, додека оние што правеле белешки рачно веројатно слушале што се зборува, анализирајќи ја и обработувајќи ја содржината и преобликувајќи ја во свои зборови.
Кога им биле поставени прашања во врска со она што го слушнале, учесниците кои правеле белешки рачно можеле да одговорат на повеќе прашања отколку оние што ги пишувале своите белешки на компјутер.
Тоа нè принудува да забавиме
Според еден од авторите на истражувањето, Даниел Опенхајмер, најнезгодно нешто за ракописот е тоа што го прави многу ефикасен за учење.
„Примарната предност на ракописот е што ги забавува луѓето“, вели тој.
Кога пишуваш рачно, мислиш. Ваквото внимателно пишување го одмара мозокот и ви овозможува да изразите потенцијална креативност, вели неврологот Клаудија Акере.
„Неодамнешното невролошко истражување откри специјален нервен пат кој се активира само кога физички пишуваме текстови“, објаснува таа.
Кога ракописот е најдобар
Брзината со која куцаме е благослов и проклетство. Иако секогаш ќе има работи што сакате да ги напишете брзо, има и други чии придобивки ги откривате само кога ги пишувате рачно.
Одлична можност да пишувате рачно е да водите дневник или да правите планови неделно, иако има многу апликации што можат да ви помогнат да го организирате или чувате дневникот.
Тастатурата е одлична за многу работи, но понекогаш не е можно да се замени со чиста хартија и мирисот на мастило.
Извор: denar.mk
