Порталот Блумберг објави листа на најбогатите семејства во светот. Вклучува семејства од различни делови на светот кои се ангажирани на различни работни места.
Првата генерација милијардери не е вклучена во оваа листа, и било истакнато дека листата не е конечна, бидејќи има семејства чие богатство е распространето низ целиот свет и тешко е да се следи.
Првото место му припаднало на семејството Волтон, чие богатство се проценува на 238,2 милијарди долари. Тие се сопственици на малопродажниот синџир Walmart.
На второ место е семејството Марс, кое го поседува истоимениот бренд за слатки. Нивното богатство се проценува на 141,9 милијарди долари.
Потоа следува семејството Кох, чие богатство се проценува на 124,4 милијарди долари и кое е сопственик на истоимената нафтена компанија.
На четврто место е семејството Хермес, кое го поседува истоимениот бренд луксузни чанти. Имаат богатство од 111,6 милијарди долари.
По нив следува саудиското семејство Сауд , кое владее со Саудиска Арабија, а нивното богатство се проценува на 100 милијарди долари.
Семејството Амбани е на шестото место со богатство од 93,7 милијарди долари. Тие го поседуваат конгломератот Reliance.
По нив следува семејството Вертхајмер, кое е сопственик на брендот Шанел. Имаат богатство од 61,8 милијарди долари.
Семејството Џонсон е на осмото место со богатство од 61,2 милијарди долари. Во нивна сопственост е финансиската компанија Fidelity Investments.
Потоа следува семејството Томсон, во чија сопственост е медиумската корпорација Ројтерс. Имаат богатство од 61,1 милијарда долари.
На десетто место е семејството Борингер, кое е сопственик на фармацевтската компанија Борингер Ингелхајм. Нивното богатство се проценува на 59,2 милијарди долари.
