На овогодинешната Code конференција, ко-извршниот директор и извршен директор на Netflix, Тед Сарандос, откри колку претплатници гледале најмалку две минути од најпопуларните серии и филмови на компанијата во првите 28 дена од нивното појавување на платформата.
Имено, според податоците, првото место го зазема првата сезона од серијата Bridgerton, која ја гледале 82 милиони сметки, а потоа следува првиот дел од Lupin и првата сезона на Witcher, од кои секоја ја погледнале 76 милиони сметки.
Филмовите на Netflix, сепак, привлекуваат повеќе публика, при што „Extraction“ го гледале 99 милиони сметки, „Bird Box“ 89 милиони, а „Spencer Confidential“ е на третото место со 85 милиони претплатници.
После тоа, беше прикажан втор слајд кој ги рангираше најдобрите 10 филмови и серии на Netflix врз основа на вкупниот број часови гледани во првите 28 дена од нивното појавување на платформата, пренесе The Verge.
Од серијата, првото место повторно го зазема првата сезона на Bridgerton, која беше гледана дури 625 милиони часа. Потоа следува четвртиот дел од Money Heist со 619, и третата сезона на Stranger Things со 582 милиони прегледи.
Врвното достигнување во филмовите е повторно „Bird Box“ со 282 милиони прегледи, потоа „Extraction“ со 231 милион, а на третото место е „The Irishman“ со 215 милиони прегледи.
Треба да се напомене дека Netflix ретко објавува податоци за гледаност, така што ова овозможи увид во критериумите според кои компанијата ги рангира своите најдобри филмови и серии.
„Се обидуваме да бидеме потранспарентни со пазарот, со луѓето во филмската индустрија и со сите“, рече Сарандос.
Податоците за тоа колку сметки прегледале содржина во првите 28 дена или часови на прегледување можеби не се од интерес за производствените компании кои претпочитаат да знаат колку луѓе (не само сметки) гледале наслов од почеток до крај. Но, ние веруваме дека овие информации сигурно ќе бидат корисни или барем интересни за некого.
Извор: biznisinfo.mk
