Имаме ли датум за „Лидл во Македонија“?

Големата најава која ја имавме во Февруари годинава а потоа и претпоставките каде ќе биде новиот Лидл дали во Ист Гејт Мол или можеби во Охрид пополека се забораваат.И најавите за Лидл во Македонија како да стивнаа.

Со оглед на тоа што речиси во исто време беше најавено и отварањето во Босна проверивме до каде е отварањето во таа земја.

Тамошните медиуми велат дека отварањето го очекуваат на крајот на 2022 година а така пишува и на Википедија каде стои статистиката за отварање на нови маркети но и статистика за веќе отворeните.

Македонија за сега не е на овие две листи.

Земји во кои е најавено отварање

Земји во кои веќе има Лидл продавници:

Босанските медиуми пишуваат и дека веќе Лидл Босна има вработени кои на големо се во Србија и Хрватска на обуки.

Во Босна е регистриран Лидл со седиште во Сараево како и Лидл со седиште во Бања Лука па се претпоставува дека во тие градови ќе бидат првите маркети.

Во Македонија Лидл ќе биде под бугарската филијала како што веќе пишувавме:

Германскиот трговски синџир „Лидл“ ја регистрираше својата компанија во Македонија, а ќе биде управувана од бугарската филијала. Една од најголемите компании во малопродажбата во светот, регистрираше подружницата Лидл Северна Македонија Дооел со седиште во скопски Центар и со паричен влог од 500.000 евра, објави тогаш Централен регистар,субјектот специјализиран за трговија на мало претежно со храна, пијалаци и тутун ќе биде управуван од Софија, од бизнисмените Милена Емилова Драгијска, Бисер Борисов Инчовски и Љубомир Манолов Хрсев. 

Инаку генералната политика на Лидл е да се работи се во тајност до моментот додека не дојде денот за отварање