Ветеранот меѓу инвеститорите и ко-основач на компанијата GMO, која е специјализирана за управување со средства, во интервју за Fox Business објасни како инвеститорите треба да се позиционираат во сегашната ситуација.
„Она што би го направил е да се осигурам дека има резерва за готовина. Можеби ќе има одлични можности за купување во следните неколку години“, рече тој.
Претходно порача да се чува готовина за да може лесно да ја употреби, но и мала количина злато и сребро.
„Второ, би се обидел да ги избегнам американските акции. Ако треба да поседувате некои, јас би поседувал висококвалитетни“, рече Грантам.
Тој постојано ги предупредуваше инвеститорите дека се фатени во историски меур, а според него, падот на индексот S&P 500 значи дека се подготвува кредитна криза.
“Избегнувајте долгови, избегнувајте ги колку што можете повеќе. Тоа е најскапиот пазар. Недвижностите се прескапи низ целиот свет, но берзите надвор од САД, изненадувачки, не се толку лоши. Најчесто работите се скапи и таму, но „нормално скапи“. Има неколку евтини земји. Јапонија изгледа прилично евтино, ниту Велика Британија не е толку лоша“, рече Грантам.
.jpg)
