Зборот СПА денес се користи редовно и најмногу се поврзува со нега, убавина и релаксација. СПА центрите може да се најдат во хотелите, кои нудат широк спектар на услуги кои ќе ни помогнат да се опуштиме. Но, дали знаете што навистина значи СПА?
SPA е акроним кој потекнува од Римската империја, кога легионерите уморни од борби наоѓале начин да се опорават од воените рани и болести.
Тие барале топли извори и изградиле бањи за да можат да ги излечат своите болни тела; нарекувајќи ги овие места „aquae“ и нарекувајќи го третманот „Sanus Per Aquam“ (SPA) - што значи „здравје со или преку вода“. Во тој период во Белгија е основана градска бања.
Додека многу луѓе ги поврзуваат традиционалните бањи со римските бањи, постојат докази за спа терапии кои датираат од пред илјадници години кога постоело верување во лековитата моќ на минералните води.
Античка практика која се практикувала многу пред Грците и Римјаните!
Еден од првите пишани извештаи за капењето кое се користело како куративен процес, а не како едноставен хигиенски ритуал, го дал античкиот грчки филозоф Хипократ, кој живеел пред повеќе од 2.000 години помеѓу 460 и 370 п.н.е. Хипократ сугерирал дека причината за сите проблеми е нерамнотежата на телесните течности и се залагал за тоа дека „патот до здравјето е секојдневно капење во ароматична купка и миризлива масажа“.
