Најдолгиот мост на светот со стаклен под беше отворен за сите патници кои се подготвени да го поминат помеѓу двете планини во Виетнам.
Изграден во планините на северот од земјата, мостот со стаклен под е најновата атракција во планинската област, која се смета за една од најпопуларните туристички дестинации во земјата.
Отворен по повод 47-годишнината од крајот на Виетнамската војна, мостот „Бел змеј“ е долг 632 метри и се состои од три слоја стакло со дебелина од 40 милиметри.
Дури и да се скрши стаклото, мостот сепак може да издржи тежина од пет тони. Мостот, кој се наоѓа на 150 метри надморска височина, бил тестиран со поминување на тешки камиони и автомобили.
Се протега во долина помеѓу две планини и може да ја издржи тежината на најмалку 500 луѓе кои одат по него.
