„Треба да се запрашаме зошто силните членки на ЕУ како Данска и Шведска не го сакаат еврото... на крајот, општеството на слабите членки на еврозоната само ќе се зголеми“, велат економистите за воведувањето на еврото во Хрватска.
Почнувајќи од следната година, Хрватска ќе стане дваесеттата земја во еврозоната и 26-та земја каде еврото официјално ќе се користи како платежно средство. Конечната одлука за влез на Хрватска во еврозоната на 1 јануари 2023 година беше усвоена на состанокот на Советот на министри за финансии во Брисел. Советот за економски и финансиски прашања на ЕУ (Екофин) во вторникот ги усвои трите завршни правни акти кои се потребни за Хрватска да може да го воведе еврото, меѓу кои е и одлуката за курсот на конверзија на куни во евро по среден курс од 1 евро = 7, 53450 куни.
Хрватскиот министер за финансии Здравко Мариќ во Брисел истакна дека ова е „историски ден“ за Хрватска.
Во „клубот на еврото“ влегуваат само најслабите?
Друг голем германски конзервативен дневен весник, Велт, дава подолга анализа и цитира економисти кои не го поздравуваат приемот на Хрватска во еврозоната. Велт пишува дека Хрватска ја воведува валутата во време на криза кога еврото е најслабо во споредба со доларот од неговото воведување пред 20 години и кога целата зона е потресена од силна инфлација.
Така, Штефан Котс од Институтот за светска економија во Кил смета дека Хрватска може првенствено да профитира од евтините кредити и логиката според која стабилните земји како Германија плаќаат исти камати како нестабилните земји во јужна Европа.
„Треба да се запрашаме зошто силните членки како Данска и Шведска не го сакаат еврото... на крајот друштвото на слабите членки на еврозоната само ќе се зголеми“, вели Котс и заклучува дека Хрватска не требало да го прифати овој предлог се додека валутата не се стабилизира.
Во текстот се наведува дека по Хрватска, која е трета најсиромашна членка на ЕУ, Бугарија како најсиромашна членка се залага исто така за воведување на еврото.
Но, земјите како Италија, Франција и Грција одамна го воведоа еврото, а сега на ред е Хрватска. Куната наскоро ќе наполни 28 години, а ова лето ќе биде последното во кое ќе плаќаме со оваа шарена банкнота“, вели носталгичната авторка.
Дел од таа носталгија, лежи и во тоа што дизајнот на куната наликува на германската марка. Но, за многумина еврото веќе стана секојдневие во Хрватска.
„Носталгија или не, многумина кои го поминале својот одмор во Хрватска ќе признаат дека многу работи платиле во евра, затоа што е практично и затоа што еврото е широко прифатено во Хрватска. Ретко кој ќе ги пропушти таксите и лошиот курс на многу банкомати во земјава“, се заклучува во текстот на Зидојче.
