Според најновото истражување на пазарот во Холандија, месото од растително потекло е поевтино од животинското, иако месната индустрија во голема мера е субвенционирана од државата. Се чини дека поради поскапувањето на животинските производи, веганската исхрана станува се попристапна.
Имено, истражувачката компанија Questionmark во јуни направила анализа на цените во холандските супермаркети и открила дека замените за месо од растително потекло се поевтини од вистинското месо. Таа во своето образложение наведува дека главна причина за тоа е поскапувањето на суровините за месната индустрија, додека цените на суровините за месо од растително потекло останале главно непроменети.
Во бројки тоа изгледа вака: во февруари годинава замените за месо од зеленчук биле во просек за 56 центи поскапи од месото по килограм производ, додека во јуни биле поевтини за дури 78 центи.
Ова би можело да доведе до заклучок дека сè повеќе луѓе ќе се свртат кон веганските опции, иако оваа претпоставка е прилично смела, бидејќи цената до сега не била одлучувачки фактор за префрлување на веганска исхрана.
.jpg)
