Надежта дека се' уште постојат добри луѓе никогаш не згаснува. Особено важно е кога децата се учат пред се да бидат луѓе, а уште поголемо е задоволството кога тоа се гледа на дело.
Андреј Лапчевиќ, ученик во осмо одделение од Нова Варош, направи благородно дело кое предизвика вистинско восхитување кај неговите сограѓани.
Имено, Андреј за време на големиот одмор на училиште, недалеку од продавницата во која купувал грицки, наишол на пари завиткани во сметка за струја. Во завитканата хартија имало 2.500 денари.
Со оглед на тоа што бил во друштво со другарите од школо, мислењата на присутните беа поделени, дали да го бара сопственикот или парите да ги задржи за себе?
Андреј сепак решил да му ги врати парите на сопственикот. Во друштво на неговиот другар отишол кај училишниот педагог. Добиле поддршка од неа и заедно тргнале во потрага по сопственикот.
Со помош на случајни минувачи успеале да ја најдат куќата на сопственикот на парите. Семејството, на чија врата тропнаа, беше многу љубезно и благодарно.
Рекоа дека внуката која отишла да ја плати сметката веќе видела дека ги изгубила парите и со голема вознемиреност тргнала да ги бара.
Веднаш и се јавиле и и ја соопштиле радосната вест – дека парите се пронајдени. Сè заврши добро. Момчињата добија заслужен процент од пронајдените пари.
Оваа благородна приказна од Нова Варош ја „виде светлината на денот“ благодарение на младиот Андреј.
.jpg)
