Стресот околу новогодишните празници многу често се одразува на врската, особено ако сте во брак. Мислите на пари, на шопинг, на семејството, на децата и сето тоа влијае на вашиот однос со партнерот.
Овој притисок, заедно со размислувањата за годината што изминува и рекапитулациите за вашите достигнувања, придонесува да ја преиспитате вашата врска.
Експертите за врски ги издвојуваат овие најчести расправии со партнерот во новогодишната сезона и нудат решенија како да ги одбегнете или барем да спречите да прераснат во нешто поголемо и да ви ги уништат празниците.
Немате време за себе
Ако сте личност на која ѝ е потребно да има време само за себе, празниците може целосно да ве исцрпат. Потсетете се дека тоа е период за славење, за семејството, за љубовта и благодарноста, па одредете приоритети и делегирајте ги обврските.
Исто така, не заборавајте дека овој хаос е привремен.
Ја преиспитувате врската
Ако со партнерот не сте на „иста бранова должина“ во поглед на иднината на вашата врска, во празничниот период чувството на незивесност се засилува.
Дали врската станува посериозна, дали ќе почнете да живеете заедно, дали ќе се венчате, дали да имате дете, дали да имате второ дете?
Преиспитувањето на животните одлуки на крајот на годината е нормално, а најчесто врската е на прво место за анализа.
Празничната атмосфера, чувството на романтика и блискост ги „подгреваат“ размислувањата за иднината, но бидете реални и искрени, најпрво со себе.
Преиспитајте се прво што навистина очекувате вие од врската, на страна од „празничното лудило“ и отворено разговарајте со партнерот, без да го обвинувате од старт.
Се чувствувате запоставено
Во овој период сите се зафатени, па може да почнете да се чувствувате како да живеете во различни светови со партнерот, особено ако не ги поминувате празниците заедно.
Наместо да гледате само од вашата страна, помислете дека и партнерот исто така е без вас. Поттикнувајте разговори за неговиот личен живот, како го поминал денот, како се чувствува.
Ако сте дома заедно, а не поминувате време навистина заедно поради обврските, кажете му го тоа на партнерот и направете распоред што ќе ви одговара на двајцата.
Расправии за пари
Парите генерално се причина број еден за расправии меѓу партнерите. Во празничниот период финансиите се најголем извор на стрес за секого, а тоа се одразува и на врската, без разлика дали живеете заедно со партнерот или не.
Ако немате пари за некоја екстравагантна новогодишна прослава или празнично патување, кажете отворено наместо да си причинувате поголем стрес и да го обвинувате партнерот кој можеби не знае за тоа.
Без разлика дали вие, партнерот или и двајцата имате намалена желба за секс, најдоброто решение е да разговарате за тоа, а не веднаш да влезете во расправија во која ќе изразите само незадоволство, а најчесто ги тргате на страна чувствата.
Не заборавајте дека ова е само период и дека ова не е вашата вообичаена рутина.
