Дел од јавните паркинзи во Скопје без наплата за божиќните празници
За време на божиќните празници јавните паркиралишта Народен фронт, АМСМ, Дом на печат, ЗОИЛ, Тутунски комбинат и 8-ми Септември, ќе бидат слободни за паркирање на 6 и 7 јануари 2023 година, односно нема да се врши наплата на истите, информираат од ЈП Градски паркинг – Скопје.
Би можело да ве интересира: ИЗВЕСТУВАЊЕ ОД ЈСП: Промени во регуларниот возен ред на 6 и 7 јануари
Јавните површини наменети за паркирање (зонските паркиралишта), исто така ќе бидат слободни за паркирање без вршење на наплата на 7 јануари 2023 година.
Кочо Рацин, Градска болница, Клинички центар „Мајка Тереза“, Треска, како и катните гаражи „Беко“ и „26 Јули“, пак, ќе работат со редовно работно време 00:00 – 24:00 часот и со редовна наплата на истите, се наведува во соопштението на ЈП „Градски паркинг“ – Скопје.
