Островот со 77 песочни плажи со сино знаме и поевтин од Халкидики
Кипар е одлично место за посета во текот на целата година, бидејќи има прекрасни сини мориња и песочни плажи. Има многу сончеви денови и многу плажи на кои им е доделена специјална награда за навистина чиста вода. Исто така, има многу историја и интересни работи да се видат и направат и во градовите и во селата. Не е премногу скапо, па многу луѓе од Европа и од Балканот доаѓаат да го посетат.
Кипар е летна приказна обоена во педесет нијанси на сино, која има почеток, а нема крај.
Ако се нурнете во проѕирното мирно море, во синото око против уроци кое ве гледа од секоја уличка на Никозија, Ларнака или Лимасол, или погледот ви лета, како бел галеб, кон небото, кон едрилица во далечина, или кон брановите што ги оставате зад себе. На бродот за крстарење или на бродот на животот.
Од ова лето Кипар како летна дестинација ја нудат и дел од македонските туристички агенции. Во аранжманите покрај сместување е вклучен и чартер лет.
„Еднаш неделно односно секој вторник почнувајќи од 20 јуни, цело лето ќе имаме директен чартер лет од Меѓународниот аеродром Скопје до аеродромот во Ларнака. Нудиме голем број хотели кои на патниците ќе им овозможат незаборавен летен одмор. Сигурни сме дека со убавините, прекрасните плажи, но и пристапните цени, Кипар ќе биде хит дестинација за ова лето“, велат од туристичката агенција „ЈК Травел“.
