Приближно 100.000 литри средства за дезинфекција и компоненти за дезинфекција исчезнаа во 2020 година од погоните Велберт и Дортмунд-Линденхорст
Компанијата Хемпрокс од германската покраина Северна Рајна Вестфалија бара сведоци на кражбата и нуди награда од 150.000 евра. Компанијата произведува производи за хигиена и дезинфекција во своите погони во Велберт и Дортмунд и е подготвена да потроши многу пари за да најде сведоци на кражбата во Дортмунд.
Според германските медиуми, компанијата Хемпрокс понудила награда од 150.000 евра за корисни информации за кражба на средства за дезинфекција што се случила во 2020 година.
Приближно 100.000 литри Monerablue средство за дезинфекција и компоненти за дезинфекција исчезнале во 2020 година од погоните Велберт и Дортмунд-Линденхорст, пишува порталот Феникс.
Како резултат на тоа, компанијата претрпе загуба од 570.000 евра, објавија германските медиуми, повикувајќи се на зборовите на директорот.
Во екот на пандемијата на коронавирус, средствата за дезинфекција беа стока со која што многу се тргуваше, која често беше распродадена и поскапа од кога било досега.
Во моментов се уште е целосно нејасно кој би можел да стои зад кражбата. Сепак, компанијата претпоставува дека се работи за „повеќе сторители“.
Најпрво се посомневале дека вработените „со лажни манипулации проневериле околу 100.000 литри средство за дезинфекција“, пишуваат германските медиуми.
Сепак, на крајот, обвиненијата беа неодржливи и делото не можеше да се докаже, особено што еден вработен се откажа од сведочењето и покрај тоа што беше клучен сведок. Истрагата првично беше прекината.
Сега компанијата сака повторно да дојде до сторителите и бара помош преку оглас: „Огласот бара дополнителни сведоци од областа Рур и од целата земја кои можат да придонесат за расветлување на случајот и евентуално да откријат информации за тоа каде се наоѓа остатокот од украдената стока“.
Доколку информацијата доведе до осуда на сторителот, компанијата ветува награда од 150.000 евра.
