Германската економија во иднина ќе расте побавно, предупреди Клеменс Фуест во интервју за новинската агенција dpa.
Недостигот на работна сила и преминот кон обновливи извори на енергија долгорочно ќе биде товар за германската економија, предупреди шефот на економскиот институт ifo, оценувајќи дека цената на струјата во Германија во иднина ќе биде повисока отколку во другите земји.
Германската економија во иднина ќе расте побавно, предупреди Клеменс Фуест во интервју за новинската агенција dpa.
„Недостатокот во снабдувањето со електрична енергија во Германија беше грешка“, рече Фуест, мислејќи на затворањето на нуклеарните централи и намаленото снабдување со руски гас поради војната во Украина. Хемиските компании сè почесто предупредуваат дека поради високите трошоци за енергија може да бидат принудени да преселат дел од своето производство во странство.
„Овие планови треба да се сфатат сериозно“, рече Фуест, додавајќи дека подоброто снабдување со енергија ќе го ублажи проблемот. Тој, сепак, смета дека владата не треба да ги ограничува цените на струјата.
„Очекувам дека цената на струјата во Германија во иднина ќе биде повисока отколку во другите земји“, рече Фуест.
Според него, најголем товар за економијата е недостигот на работна сила во многу сектори, што ќе го попречи растот во наредните години. Можни решенија се новиот закон за привлекување на квалификувана работна сила од странство и подобрена грижа за децата, предлага тој.
Меѓу тешкотиите за економската активност, тој ја издвојува тврдоглаво високата инфлација во еврозоната, иако беше изненаден од порастот на каматите во септември. На седницата во септември, Европската централна банка (ЕЦБ) ги зголеми каматните стапки за четвртина процентен поен, и покрај намалената проценка за економскиот раст. Шефот на германскиот економски институт оценува дека ЕЦБ уште долго ќе ги држи каматните стапки на сегашното ниво.
Извор: kajgana.com
