Бисера Главинова е една од многуте пензионерки кои се занимаваат со сучење на јуфки и тарана.
Таа за Денар вели дека тоа е нејзиното хоби особено во летниот период, но и начин да придонесе во семејниот буџет.
Секоја година, таа прави околу 100 килограми јуфки и 50 килограми тарана, кои ги продава на пазар или преку интернет.
„Задоволство ми е сучењето, дека на тој начин побрзо ми минува пензионерското време и се чувствувам многу продуктивна. Брашното, јајцата и сѐ што е потребно ми купуваат внуците, а мојата работа е само да ги правам јуфките и тараната. Јас имам специјална машина за сучење, која ми ја подарија внуците за роденден. Тие исто така ми помагаат да ги продавам јуфките и тараната преку интернет, бидејќи јас не се разбирам во компјутери и интернет”, вели Бисера.
Јуфките и тараната на Бисера се изработени со домашни кокошкини јајца, а сѐ се подготвува без никакви конзерванси.
Таа вели дека има многу верни купувачи кои ценат нејзината квалитетна храна и вкусни јадења.
Еден килограм јуфки ги продава за 220 денари, а еден килограм тарана за 230 денари.
„Јас не го правам ова само за парите, туку за задоволството. Но парите секогаш се добредојдени. Со нив можам да се почестам со нешто што инаку не би можела да си го дозволам. На пример, бев на прошетка во Охрид со автобус, а оваа година планирам да одам во Скопје и да прошетам низ Скопската чаршија”, објаснува Бисера.
Бисера не е единствената пензионерка која се занимава со сучење јуфки и правење тарана.
Таа самата кажува дека има уште неколку пријателки кои имаат исто хоби и ист бизнис. Тие често се собираат заедно на кафе за да разменат искуства, рецепти и совети за продажбата на јуфките и тараната.
„Ова е начин да останеме поврзани со нашата традиција, но и со модерниот свет. Јас сум горда што можам да направам нешто што луѓето го ценат и го уживаат. Јас не планирам да престанам со сучењето додека имам здравје и волја”, заклучува Бисера.
