Повеќето родители го поставуваат ова прашање, а дали воопшто постои точен одговор?
На која возраст детето треба да го добие првиот мобилен телефон? Професорот по психологија на престижниот американски универзитет Јеил, Лори Сантос, смета дека има само еден точен одговор на ова прашање:
„Почекајте што е можно подолго. Мислам дека е подобро да се одложи давање технологија на децата што е можно повеќе“.
Децата на возраст од 8 до 12 години, кои имаат телефон, поминуваат нешто помалку од пет часа дневно со паметните уреди, додека тинејџерите губат речиси осум часа, според истражувањата..
Тоа време ретко се користи за креативни активности. Напротив, младите најмногу го трошат своето време на социјалните мрежи или гледајќи видеа, истакнуваат експертите. Гореспоменатиот психолог верува дека тоа најверојатно ќе поттикне лошо ментално здравје и ќе ги попречи децата на часовите во училиште.
„Огромната количина на информации што детето може да ги добие од социјалните мрежи може да биде поразителна“, забележува Сантос.
Здружението „Чекај до 8“ се залага за избегнување на употреба на паметни телефони до пред да се влезе во осмо одделение. Се вели дека децата во просек првиот паметен телефон го добиваат на десетгодишна возраст. Овие уреди го одвлекуваат вниманието и се потенцијално опасни за децата, но тие се широко распространети во основните и средните училишта поради социјалниот притисок и нереалните очекувања да се има. Велат дека детството е премногу кратко за да се троши на паметни телефони.
„Родителите исто така треба да бидат пример за децата“, додава Сантос.
„Ако сте секогаш на вашиот мобилен телефон, ќе биде потешко да се оправда зошто вашето дете не може да го има.
