Смрдеата во автомобилот е многу непријатна работа. Впрочем, тоа е затворен простор каде што луѓето поминуваат многу време. Но, што ако вашиот автомобил испушта многу специфичен мирис, особено оној што наликува на расипани јајца, а вие едноставно не можете точно да одредите од каде доаѓа?
Освен ако пред неколку недели сте заборавиле сендвич со јајца под совозачкото седиште, големи се шансите овој мирис всушност да не е мирис на расипани јајца. Веб-страницата ScrapCarComparison наведува неколку потенцијални виновници.
Расипан катализатор
Најверојатната причина поради која го чувствувате непријатниот мирис на расипани јајца е катализаторот. Тоа е уред кој се користи за претворање на штетните гасови, како што е водород сулфид, во безопасни гасови без мирис, како што е сулфур диоксид. Кога катализаторот ќе се расипе, тој повеќе не ја извршува оваа функција, што значи дека поголема е веројатноста да почувствувате непријатен мирис на сулфур.
Истрошен филтер за гориво или неисправен сензор за притисок на горивото
Ако вашиот сензор за притисок на горивото не работи правилно, катализаторот може да е полн со масло. Во оваа ситуација, акумулацијата на маслото го спречува катализаторот да ја врши својата работа правилно, што во основа се враќа на нашата прва точка и предизвикува непријатни мириси да излегуваат од издувните гасови. Истурањето на маслото може да предизвика и прегревање на катализаторот, што пак може да предизвика несакани мириси.
Истите проблеми се јавуваат ако вашиот филтер за гориво е истрошен, бидејќи предизвикува таложење на сулфурни наслаги кои согоруваат во катализаторот.
Старо масло во менувачот
Ова може да се случи ако возите автомобил со рачен менувач и не го менувате маслото на менувачот редовно. Стручен совет е да го менувате маслото во менувачот на секои 50.000 километри, а доколку го пропуштите, течноста може да истече во други делови од вашиот автомобил, што може да создаде непријатен мирис. Ако забележите истекување, однесете го вашиот автомобил во сервисен центар што е можно поскоро.
Како да го отстраните мирисот на расипани јајца од автомобилот?
Прво, треба да го лоцирате она што го предизвикува овој мирис, без разлика дали е расипан катализатор, неисправни филтри за гориво, сензори за притисок на горивото или истекување на масло во менувачот и да го замените делот што не функционира. Ако го направите ова, непријатните мириси треба многу брзо да исчезнат.
Но, мирисот на расипани јајца во автомобилот не е единствената причина за загриженост. Мирисот на чад или горење може да биде знак за нови проблеми, како што се прегревање на моторот, протекување течност или истрошени сопирачки.
Дефинитивно се препорачува да го однесете вашиот автомобил кај автомеханичар за какви било сомнителни мириси со цел да се утврди причината и да се спречи потенцијално катастрофален дефект.
