Компаниите кои се занимаваат со услужни дејности се стремат да создадат вредност за потрошувачите, а во исто време, се разбира, да заработат и профит.
Оние кои работат во оваа дејност многу добро ги знаат најголемите предизивици со кои мора да се соочат, се поголемите очекувања на корисниците на нивните услуги, како и интензивната конкурентска борба, во која успеваат само оние кои ќе успеат да создадат супериорна вредност за потрошувачите.
Се разбира, кога зборуваме за ресторани и други услужни објекти, она што прво ни паѓа во очи и го одредува впечатокот кој ќе го стекнеме за тоа место е лицето кое не служи, односно келнерот.
Љубезност, комуникациски вештини, културни навики, трпение, толеранција и уредност е нешто што секој келнер мора да го поседува. Покрај ова и стоењето на нозе понекогаш и повеќе од 10 часа, работа до доцна во ноќта, за викенди и празници е само дел од она поради кое професијата келнер заслужува да биде многу попочитувана и ценета.
Она што сигурно гарантира добра услуга во еден ресторан се келнери кои се:
- Услужни, но ненаметливи. Одлично е келенрот секогаш да е некаде тука во близина, но никако да не е постојано околу масата, да брише или да собира празни чаши. Според ресторанскиот бонтон на масата мора да остане барем една чаша, за гостите да не се почувствуваат како избркани.
- Флексибилни. Келнерите треба секогаш да имаат трпение да ги ислушаат и исполнат молбите на гостите. На пример, ако некој бара одредено јадење, но без некоја состојка која регуларно ја има во јадењето, келнерот мора да го запомни и да го исполни тоа барање, за гостинот да не се почувствува несослушано и незадоволено.
- Кога добро го познаваат менито. Доколку гостинот праша што содржи некое јадење, што оди во прилог со него, или што значи некој странски збор од менито, келнерот мора да има одговор, во спротивно впечатокот на непрофесионалност е непоправлив. Мора да постои барем некој минимум во познаање на менито, како би му помогнале на гостинот да се одлучи.
- Кога го носат јадењето во приближно исто време. Секогаш кога доаѓаат повеќе луѓе заедно е важно да им се донесат нарачките во приближно исто време, за да се избегне непријатноста „едните да јадат, другите да гледаат“.
- Пријатни. Во смисла на надворешен изглед (уредни, чисти, соодветно облечени), но и пријатни кон гостите. Никако не е дозволено дрско и надмено однесување. Секој сака да се чувствува добредојден, услужен и задоволен, во спротивно, со сигурност нема да се врати во истиот објект.
Дали знаете каде се создаваат најдобрите професионалци во угостителството?
ПРОВЕРЕТЕ ТУКА
