Vrabotuvanje.com - Владата забрани издавање викендички – усвоени нови рестриктивни мерки

Владата на вчерашната седница усвои дополнителни рестриктивни мерки за претстојниот празничен период со цел намалување на ширењето на коронавирусот.

Се забранува давање под наем на викендички и други туристички капацитети за сместување на територијата на Република Македонија за групно собирање и организирање прослави по повод претстојните новогодишни и верски празници, освен за давање под наем на лица од едно исто семејство.

Веќе е познато дека на угостителските објекти работното време ќе им биде намалено до 18 часот, освен за оние кои вршат достава или продаваат на шалтер.

-Владата ја прифати препораката да се забрани организацијата и одржувањето на било каков тип на новогодишни прослави и прослави на верските празници, како и забрана за организирање на Нова Година на отворен и затворен простор во организација на сите физички и правни субјекти, вклучувајќи ги и јавните институции, и во оваа насока им се укажува на општините, како и на сите организации основани од локалната самоуправа, дека се забранува било какво групно собирање и организирање на прослави по повод претстојните новогодишни и верски празници и доколку истите веќе имаат организирано, да се откажат, велат од владината прес-служба.

Освен тоа, забрането им е на хотелите да организираат прослави. Оние кои веќе имаат организирано новогодишни забави да ги откажат.

-Во угостителско сместувачките објекти (хотели, мотели, хостели и слично) во нивните ресторани се ограничува работното време до 21 часот и да работат исклучиво за пансионските гости и само за време на послужување на оброците, и се ограничува работното време во кафетериите, баровите и шанковите во угостителските сместувачки објекти заклучно до 18 часот. Со овие дополнителни мерки, Владата им укажува на верските заедници за забраната од организирање и групно собирање на, во и околу верските објекти, по повод претстојните верски празници, вклучително и со препораките за прослави во домашни услови, во викендици и низ разни објекти во туристичките локации на територијата на Република „Северна“ Македонија, велат од Владата.

Aktualno

Научниците открија нова функција на малиот мозок
Иако малиот мозок сочинува само 10 проценти од вкупната маса на мозокот, повеќе од три четвртини од мозочните неврони се спакувани во него.
Зошто е важно да се избегне повторно зовривање на истата вода за кафе или чај?
Пиењето кафе или чај наутро е вообичаен ритуал за многу луѓе. Додека некои сакаат да посветат дури и неколку часа на овој ритуал на посебно место, други кои го немаат тој луксуз само набрзина го подготвуваат својот омилен пијалок и најчесто го пијат на пат до работа, пешачење или во автомобил.
Дали знаете како кафето влијае на нашето здравје?
Вечното прашање е дали кафето е здраво, во кое време од денот да се пие и во кои количини.
Ова е европската земја во која најдолго се живее, а сега е јасно и зошто
Во оваа земја луѓето живеат во просек 84 години, покажуваат најновите податоци на Евростат.
Овошје што едвај чекаме да го видиме на пазарите, а годинава ќе останеме желни за него: „Ќе биде прескапо, бидејќи го нема“
Се проценува дека речиси 30 отсто од плодовите угинале поради пролетниот мраз.
Изнајмувањето на станови во Германија поскапува, а цените за метар квадратен паѓаат
Растат кириите во Германија поради недостиг на станови во услови на високи градежни и кредитни трошоци. Сето тоа го запре градежниот сектор и побарувачката, но ги намали и цените на квадратите, се вели во извештајот на здружението на банките.