Неодамна достигна неверојатна бројка од скоро 100.000 хектари обработливо земјиште во дури 18 федерални држави, а пресметано во квадратни километри, тоа е околу илјада квадратни километри.
Најголемите површини со земја му се во Луизијана, а потоа следуваат Арканзас и Небраска. Земјиштето е во негова сопственост или во сопственост на компании поврзани со Мајкрософт.
На многумина им изгледа невообичаено дека човекот кој стои зад една од најголемите технолошки компании во светот е и најголемиот замјопоседник.
Сепак, уште во 2008 година, Бил и Мелинда Гејтс објавија дека ќе дадат повеќе од 300 милиони долари за промоција на малите земјоделци во Африка и Азија, пред се оние кои се занимаваат со одржливо земјоделство и со високи приноси.
Нивната добротворна инвестициска компанија инвестираше и во развој и проширување на „супероси“ отпорни на климатски промени и во млечни крави кои произведуваат големи количини млеко.
Сè уште не е познато дали тој ќе ја искористи целата земја што ја купил, или за што ќе ја користи. Многумина се надеваат дека ќе се користи за одржливо и еколошко производство и слични цели.
Бил Гејтс е можеби најголемиот земјопоседник на обработливо земјиште, но тој е далеку од број еден кога станува генерално збор за сопственост на земјиште.
Тука е на врвот Џон Мелоун, извршен директор на Либерти Медиа, акционер во големите медиумски корпорации, кој поседува околу 900.000 хектари ранчови и шуми.
На трето место е Тед Тарнер, основач на Си-Ен-Ен, со приближно 800.000 хектари земја со ранчови во осум држави. Па дури и извршниот директор на Амазон, Џеф Безос, инвестира во земја. Тој поседува 170.000 хектари земја, претежно во Западен Тексас.
Извор : https://denar.mk/
