Едно од првите и најчести прашања во интервју за работа е: „Може ли да ни кажете малку повеќе за себе?“ Ова е прашање што им служи на работодавачите да ви помогнат да се ослободите од вознемиреноста и да откриете како се перцепирате себе си.
Она што прво сте помислиле да го кажете е тоа што ја рефлектира вашата личност, вашите желби и аспирации. Можеби ви се случило прво „Јас се викам ... Јас сум ... и сум роден во ...“. Во друга прилика, ова е добар начин да се претставите, сепак, не е реченица што би сакале да започнете интервју за работа.
Јас сум...?
Имено, како што споменавме, изборот на информации што ги ставате на прво место, на некој начин, ги одразува вашите приоритети во животот. На пример, ако одговорите на ова прашање се фокусирате на вашиот приватен живот (семејство, пријатели, емотивен статус, хоби) давате слика на личност која е целосно посветена на неговиот приватен живот и немате доволно време да се посветите на работата.
Значи, прашањето „Можете ли да ни кажете малку повеќе за себе?“ во суштина го претставува „Може ли да ни кажете малку повеќе за себе професионално?“. Со ваквиот поглед на споменатото прашање, вие ги зголемувате вашите шанси за вработување. Можете да зборувате за вашето хоби, и да го презентирате на тој начин што ќе сведочи за некои квалитети потребни за позицијата за која аплицирате.
Деловен успех и вештини
Ова прашање ви дава можнист да ги потенцирате сите ваши успеси во кариерата. Ако сте скромна личност и не сакате да зборувате за себе, оставете ја својата скромност на влезот во компанијата. Суштината на интервјуто е да се „продаде најдоброто“ на посакуваниот работодавач, а самата продажба започнува со ова прашање.
Слободно наведете ги релевантните деловни успеси со кои се гордеете и потенцирајте ги квалитетите што ве прават совршена личност за работата за која сте аплицирале. Секако, пожелно е вашите квалитети да бидат поддржани со примери од пракса, на пример, ако кажете дека сте одлични како тимски играч, наведете ја ситуацијата во која сте имале можност најдобро да го покажете вашиот потенцијал.
Информации за приватниот живот
Како што напоменавме на почетокот, ова не е прашање за кое треба да зборувате на интервјуто за работа, така што споделувањето лични информации е непотребно. Значи, вашиот брачен статус, без разлика дали имате деца и колку, со кого живеете и како го поминувате слободното време, не се информации што треба да ги споделувате. Ако, сепак, сметате дека некои приватни информации се важни за вашиот професионален успех, презентирајте ги на тој начин што ќе го нагласите нивното влијание врз вашите деловни квалитети.
Дојдете подготвени за интервју
Бидејќи ова е обично првото прашање на интервју за работа, најдобро би било да бидете добро подготвени. Ова не значи дека тој подготвен одговор треба да го запомните од збор до збор и да го рецитирате за време на интервјуто, туку дека треба да дојдете подготвени , имајќи ги во вашата глава основните упатства за одговорот. Ова ќе го намали ризикот од двоумење и несигурност а истовремено ќе ги зголеми шансите за вработување.
Искреноста на прво место
Најважно е да бидете искрени. Дури и ако успеете да го измамите работодавачот , понекогаш, за време на работата ќе има несовпаѓање помеѓу вашите способности и вештини и она со што сте го воодушевиле на почетокот. Се разбира, со вашите вештини на изразување, може да звучите уште подобро и до одреден степен да ги маскирате вашите недостатоци, но треба да бидете внимателни . Секое претерување може лесно да се открие и ве советуваме да бидете искрени.
