По повеќе од две години борба со коронавирусот, се уште на некои места се носат заштитни маски, дел од луѓето и понатаму се поздравуваат со тупаница или лакт наместо со ракување, а многумина и понатаму ревносно ги дезинфицираат рацете, како и работните и останати површини.
Стапката на инфекции со коронавирусот глобално е помала, што резултираше со укинување на задолжителното носење маски во продавниците и ја зголеми надежта дека пандемијата постапно преминува во ендемски стадиум. Дали поради сето тоа се откажуваме од хигиенската рутина до која досега многу строго се држевме и на која се навикнавме?
“Во никој случај“, вели германскиот експерет за хигиена д-р Клаус-Дитер Застров.
Со него се согласува и Д-р Клеменс Венднер, раководител на Одделот за онкологија, хематологија, имунологија, палијативна медицина, инфективни болести и тропска медицина во болницата Швабинг во Минхен. “Новиот кодекс за правилна хигиена ќе продолжи да важи и по пандемијата со КОВИД-19“, вели тој.
Д-р Застров смета дека е разумно да имате заштитна маска при рака кога ќе го излезете од вашиот дом.
“Препорачливо е да се стави на лицето на места со многу луѓе, кои притоа стојат набиени еден зад друг, на пример во автобуси и возови“, вели тој.
И д-р Венднер предвидува дека носењето маски ќе стане “ново нормално“ на конференциите со голема посетување, особено за време на сезонски настинки и грип.
“Нема тоа нужно да бидат маски FFP2 или слични на нив, како маските KN95, туку едноставни платнени маски за лице“.
Но, кога одите во болница, посетувате старечки домови и стари лица, “би требало да носите FFP2 маски за да се заштитат пациентите и штитениците“, вели Венднер, додавајќи дека маски во тие установи треба да носат и посетителите и медицинскиот персонал.
Др. Застров мисли дека сепак е добра идеја да носите со себе мало шишенце средство за дезинфекција на рацете.
“Ако патувате, на пример, со метро и се држите за рачка што ја допреле многу луѓе пред вас, би било препорачливо да ги дезинфицирате рацете по излегувањето. Исто така, треба да ги дезинфицирате рацете откако ќе ги допрете рачките на вратите или потпирачите за раце во авионите“, советува тој.
Д-р Застров и по ковидот, препорачува плакнење на усната шуплина и грлото на секои три дена со средство за дезинфекција за плакнење на уста, кое ги деактивира бактериите и вирусите кои се шират со зборување, кашлање, пеење итн.
Редовното миење на рацете е една од основите на личната хигиена, која беше важна и пред избувнувањето на пандемијата со КОВИД-19.
“Не го занемарувајте темелното миење на рацете со сапун и вода пред и по оброците и по користењето на тоалетот“, потсетуваат германските лекари.
“Држењето физичка дистанца од лице пред и зад вас во ред има смисла и надвор од пандемија“, напоменува д-р Венднер, “ и тоа не само од хигиенски причини“. Пристојно е да не се туркате пред или зад личност што стои веднаш до вас“.
Редовното проветрување на училиштата и отворените простори за време на пандемијата го намали ризикот од инфекции со новиот коронавирус.
“Широкото отворање на прозорец неколку минути за да се овозможи влез на свеж воздух во просторијата и исфрлање на застоениот, ја намалува концентрацијата на аеросоли во затворен простор, што е корисно за здрвајето без оглед на КОВИД-19“, вели д-р Венднер, додавајќи дека тоа е едноставно и не ве чини ништо.
Ракувањето за време на пандемијата се замени допирање со тупаница или лакт. Но, подадена рака што ја одбивате, често се смета за непристојно однесување. Затоа Застров предлага компромисно решение. “Ракувајте се, а потоа дискретно дезинфицирајте ги рацете со средството за дезинфекција што го носите со себе“.
