Министерството за здравство во февруари 2022 година го укина буџетот за „Бесплатни прегледи и лабораториски прегледи во тек на бременост, поврзани со бременост, бесплатно породување за бремени жени, кои се надвор од систем на задолжително здравствено осигурување“.
Наодите од теренот јасно укажуваат дека иако законски сите имаат право да бидат опфатени со здравствено осигурување, праксата покажува дека граѓаните се соочуваат со реални проблеми кои им оневозможуваат да бидат здравстевно осигурани. Една од причините е тоа што работодавачите не уплаќаат редовни придонеси за вработените.
Од Здружението ЕСЕ алармираат дека здравствената заштита за време на бременоста е од исклучително значење за здравјето на мајката и детето и мора да се спроведе во точно назначени временски периоди. Несоодветна здравствена заштита за време на бременоста и при породувањето може да резултира со нарушено здравје. Поради тоа бараме од Министерството за здравство веднаш да усвои мерка и буџет за да обезбеди бесплатна здравствена заштита за време на бременоста и при породувањето за сите жени без разлика на статусот на здравствено осигурување – велат од ЕСЕ.
извор: novamakedonija.com.mk
