Со четиритипна вакцина против сезонски грип, од компанијата „Абот“ од Холандија, од која се набавени четириесет илјади дози, следната недела ќе започне вакцинацијата. Министерство за здравство соопшти дека тие се првенствено за ранливи групи население.
Министерството за здравство соопшти дека од денеска, преку страницата vakcinacija.mk, почнува пријавувањето за бесплатна вакцинација против сезонски грип за ризични групи население. Станува збор за четиритипна вакцина против сезонски грип, од производителот компанијата „Абот“ од Холандија.
Вакцинацијата против сезонски грип е најефикасна мерка за превенција на грип, која спречува појава на потешки форми, компликации и смртен исход особено кај ризичните групи.
Бесплатната вакцинација против сезонски грип е незадолжителна, наменета е за следните ризични групи: стари лица (над 65 години), лица со хронични заболувања, здравствени работници, бремени жени, деца на возраст од шест месеци до пет години.
Со пополнување на апликацијата се регистрирате за вакцинација директно во системот „Мој Термин“. Согласно распоредот предвиден во планот за вакцинација, преку смс ќе добиете повратна информација за точниот датум, час и место кога треба да се вакцинирате, информираат од Министерството и додаваат дека граѓаните, кои спаѓаат во ризичните групи може да го искажат својот интерес преку пополнување на апликацијата на линкот:
.jpg)
