Според податоците на катарската управа за планирање и статистика, се проценува дека во Катар има околу 160.000 странски работници.
Катар изминативе неколку недели е во центарот на вниманието поради Светското првенство во фудбал, но и безброј теми што ги носи со себе, како што се цените на храната и пијалоците како и условите за работа во оваа арапска земја .
До 2017 година немало јасен Закон за домашни работници кој го ограничува работното време на 10 часа дневно и бара дневни паузи, неделен слободен ден и платени празници. Три години подоцна беше дефинирана минималната плата и на вработените им беше дозволено да ја напуштат државата без да бараат дозвола.
Сепак, овие закони не се спроведувале соодветно, а навредливиот и понижувачки третман кон вработените сé уште е присутен.
Ова се искуствата на една девојка која работи за елитно семејство и друга која работи за кралското семејство:
- Првата работи седум часа неделно. Нејзиниот опис на работното место вклучува чистење, помагање при подготовка на храна и грижа за децата. Таа јаде што останало од смејниот оброк и за Би-Би-Си вели дека немала слободен ден во последните 18 месеци.
Како што пренесува Би-Би-Си, до неодамна вработените странци не можеле да ги менуваат работните места или да ја напуштат земјата без дозвола на нивниот работодавач. Под лупа, Катар почна да воведува реформи, но злоупотребата со која и понатаму се соочуваат работниците е присутна.
Работодавачот на девојката го чуваше нејзиниот пасош, спречувајќи ја да замине без негова дозвола. Барем и било дозволено да го задржи телефонот, за разлика од случаите на некои други странски собарки. Исто така, таа не била физички малтретирана. Тоа се случува премногу често во Катар, вели таа.
Жената која работи во службата и им посредува работа на странските работнички со семејствата, открива дека кралското семејство има спрецифични барања.
„Девојките пратени да работат за катарското кралско семејство имаат помеѓу 24 и 35 години и се многу убави“ – рекла Моралес.
Има уште една причина поради која сака да остане на нејзината сегашна работа, таа смета дека е малку веројатно дека ќе добие подобра плата за нејзината возраст. Таа заработува 1.500 риали месечно и сето тоа го испраќа дома за да го издржува семејството.
- Нешто „посреќна“ е приказната за собарката Алтеа, вработена во кралското семејство Ал Тани. Иако добро се однесуваат со неа, таа сé уште нема слободен ден, кој сега според новите правила треба да го имаат сите работници.
Таа објаснува дека нејзините работодавачи и дале ајфон, облека, накит и чевли кои не можела да си ги дозволи дома на Филипините.
Нејзиниот ден обично започнува во 6.30 часот, кога персоналот подготвува појадок за семејството. Алтеа јаде кога семејството не е дома. Откако ќе се расчистат, ги чистат собите и го подготвуваат ручекот.
Слугинките одмараат во своите соби меѓу 15 и 18 часот, а потоа се подготвуваат за вечера. Откако ќе заврши вечерата, работниот ден на Алтеа завршува и таа е слободна да го напушти имотот ако сака.
Некои членови на кралскиот персонал се пожалија откако ја напуштија земјата. Пред три години, тројца британски и американски работници - телохранител, личен тренер и приватен учител, ја тужеа сестрата на емирот и нејзината сопруга во Њујорк, тврдејќи дека биле принудени да работат прекувремено.
Би-Би-Си побара коментар од кралско семејство и катарската амбасада во Лондон, но никогаш не доби одговор.
ПРОЧИТАЈТЕ: Мундијал во Катар: да се гледа или да се бојкотира?
