Да, можно е!
Постојат неколку работи кои можат да ве направат посреќни на работа.
Знаете како е на работа… Како и на почетокот на љубовната врска секогаш почетокот е многу голем, а по некое време започнуваат првите незадоволства кои често поттикнуваат размислување да дадете отказ.
Но, како што постапувате во врските, така и во работата. Постојат неколку нешта кои вас можат да ве направат посреќни на работнто место.
Одморете се
Ако ви се чини дека сте „прегореле“ на работното место, одвоете малку време за себе за да се обновите и подготвите за нови работни задачи. Отказот не е секогаш вистинското решение, подобро е да размислите за краток годишен одмор или некој сличен метод.
Размислувајте
Сетете се кога последен пат сте биле среќни на работа и на кој начин би сакале да го поминете своето време. Дури и ако одговорот на тоа прашање не е вашето моментално работно место. Всушност тоа може во иднина да биде. Понекогаш работиме работи кои навистина ги сакаме, но на погрешен начин.
Прашајте за она што го сакате
Како и во приватните врски, често и на работа многу работи се пропуштени поради лошата комуникација. Поради тоа е многу важно навремено да ги искажете своите желби, без оглед дали се работи за саканите проекти, планови или нешто трето.
Концентрирајте се на она што ве исполнува
Внатре или надвор од работата, секој би требало да ја пронајде вистинската цел која го исполнува. На пример, можете да работите во канцеларија од 9 до 17 часот со цел да соберете финансиски средства, но ако во слободното време сликате, тоа е тоа што навистина ве исполнува.
Работете на болните точки
Секоја работа има свои болни точки, па затоа треба да поработите на нивното ублажување. На пример, ако ви е тешко 8-часовното работно време, одете на редовни паузи, а ако не ви одговара работната околина, преуредете ја на свој начин.
Променете го она што можете да го контролирате
Во прв ред тоа е вашето однесување. Смејте се, заблагодарете им се на колегите и секојдневно издвојте една добра работа која се случила. Многу често сме премногу критични кон себе си и затоа е важно да ја согледаме пошироката слика за улогата која ја имаме во компанијата.
извор: denar.mk
