Постојат голем број работи кои секојдневно ги гледаме наоколу, а не знаеме за што точно служат. На прв поглед изгледаат сосема бескорисно, но сите тие имаат скриени намени.
Во продолжение прочитајте за намената на следниве неколку работи, која сигурни сме дека никогаш не би ја погодиле…
1. Копчето во задниот дел на кошулата
Постојат три можни објаснувања за ова. Првото е најочигледно, односно за закачување на кошулата. Второто објаснување е дека порано се користело како помагало за да се зацврсти вратоврската. Третата идеја е најромантична. Еден студент од Универзитет во Америка го отстранил овој дел од кошулата кога започнал врска со една девојка, за да покаже дека е зафатен. Девојката, пак, почнала да носи шал со симболот на неговиот универзитет.
2. Цилиндарот на кабелот од полначот за лаптоп
Сигурно сте го забележале ова кога сте користеле лаптоп. Неговата функција е да ги потиснува звуците со висока фреквенција во електричните кола. Направено е на многу едноставен начин: Делчето е изработено од железо и околу него е намотан кабелот.
3. Малото дупче на прозорецот во авион
Рамките на прозорците во авионот се направени од две парчиња пластично стакло. Кога би била сама, внатрешната стаклена рамка би можела да пукне поради значителната разлика на притисокот во авионот и надвор. Малечката дупка му овозможува на воздухот да се движи помеѓу авионската кабина и просторот меѓу двете рамки, така што го изедначува притисокот.
4. Синиот дел од гумата за бришење
Ако прашате некого зошто постои синиот дел од гумата, ќе ви одговори дека е за да брише пенкало. Но, тоа не е вистина. Оригиналната намена била да отстранува траги од подебела хартија. Розовиот дел честопати остава траги од она што било напишано на хартијата, додека, пак, синиот дел брише сѐ. Производителите на гуми набрзо откриле дека луѓето не ја разбрале вистинската намена и почнале да го промовираат синиот дел од гумата како дел чија намена е да брише траги од пенкало. Отишле толку далеку што некогаш дури и го обележувале со слика од пенкало.
5. Хоризонталните дупчиња на копчињата од кошулите
Уште една мистерија поврзана со кошулите: Зошто дупчињата на најгорните и најдолните копчиња од кошулата се хоризонтални, додека сите останати се вертикални? Објаснувањето потекнува од фактот што копчињата на овие две места најмногу се откопчуваат. Хоризонталните дупчиња го отежнуваат нивното откопчување, за разлика од вертикалните.
6. Вишокот дупчиња на патиките
Малкумина обрнуваат внимание на вишокот дупчиња на предниот дел од нивните спортски патики. Но, би требало да се знае дека тие имаат многу корисна улога: Нивната намена е убаво да ги сместат стапалата во патиките и да ги заштитат глуждовите од триење додека спортувате.
7. Дупката во лажицата за шпагети
Дупката во лажицата за шпагети била направена за да го измерите точното количество на тестенини кои сочинуваат стандардна порција. Вистина е дека некои луѓе јадат повеќе, некои помалку, но дупката во лажицата е совршена за да го одредите просечното количество на шпагети кои еден човек би требало да го изеде.
8. Малото џепче во џебот на фармерките
Најчестиот одговор на оваа мистерија е дека е наменето за чување контрацепција. Секако дека малото џепче може да се користи за тоа и за чување многу други работи, но тоа не била неговата оригинална намена. Најпрво се појавило на фармерките Левис во 1873 година и целта била да се користи за џебни часовници.
9. Дупката на капачето од пенкалата
Постои популарно мислење е дека дупката на капачињата од пенкалата служи за да му дозволи на воздухот да помине низ белите дробови ако случајно се заглави во човечкото грло. Но, тоа не е точно. Доколку нешто се заглави во душникот на еден човек, мукозната мембрана ќе потече како реакција. Оваа дупка спречува капачето да биде апсорбирано во мембраната.
10. Парчето материјал што доаѓа со нова облека
Овие парчиња материјал не се наменети за да бидат сошиени на облеката. Нивната цел е да се исперат со детергент или белило, така што би можеле да проверите како вашата нова облека ќе реагира на одредени видови хемикалии за перење.
