Резултатите од последното истражување покажале дека вработените кои редовно оделе на кратки паузи биле далеку поодморени и попродуктивни од оние кои работеле повеќе часови одеднаш
Луѓето чија работа е врзана со повеќе часовно седење пред компјутер мора да прават пауза од пет до петнаесет минути на секој час, зашто во спротивно, гледањето во мониторот може да резултира со оштетување на видот, главоболка и болки во вратот и грбот, алармираат германските доктори.
Последното истражување на оваа тема покажува дека не е толку важно колку долго работат вработените, туку како го планираат својот работен ден. Имено, резултатите укажуваат на тоа дека луѓето кои оделе редовно на кратки паузи биле далеку поодморени и попродуктивни од оние кои работеле повеќе часови одеднаш.
КАКО НАЈДОБРО СЕ ПОКАЖАЛО РЕШЕНИЕТО ОД 52-МИНУТНА РАБОТА, ПРОСЛЕДЕНА СО ПЕТ ДО ПЕТНАЕСЕТ МИНУТИ ПАУЗА
Вработените кои се придржувале кон овој распоред имале одлично ниво на фокус на работата. Тие цел час биле апсолутно посветени на работата, што значи дека притоа не проверувале ниту Фејсбук, ниту приватна е-пошта. Кога ќе почувствувале мала слабост, а тоа било обично по еден час, оделе на кратка пауза и се одделувале од работата, што им овозможило да се вратат назад одморени и продуктивни.
Германските научници потсетуваат дека мозокот природно работи со раст и пад на енергијата. Таа обично расте еден час, по што следува пад од 5 до 10 минути. Тие објаснуваат дека земањето пауза не значи дека и понатаму треба да седите пред компјутер и да испраќате пораки со пријателите. Во паузата треба да излезете, да прошетате низ просторијата и ако е можно, да излезете надвор.
Батериите може да се наполнат и со разговор со колегите, кратка прошетка, читање. Тие предупредуваат да не чекате вашето тело да биде толку исцрпено за самото да ви каже дека ви е потребна пауза. Ако ова ви се случи, предоцна е, бидејќи веќе сте уморни и деконцентрирани.
