Гигантот за широка потрошувачка Унилевер се обврза дека секој работник кој ја снабдува компанијата со стоки и услуги ќе добива плата за живот до 2030 година.
Иницијативата ќе се однесува на 65.000 директни добавувачи и неколку илјади земјоделски компании, рече шефот за набавки, Дејвид Инграм.
Плата за живот значи плата заработена во стандардна работна недела (не повеќе од 48 работни часа неделно) што треба да биде доволна за покривање на трошоците за храна, домување, здравствена заштита, облека, превоз и образование.
Покрај основните трошоци, платата за живот вклучува околу 10 проценти од дополнителните пари за непредвидени трошоци. Накратко, плата за цел живот значи приход од кој може да се живее, затоа што да се има работа треба да значи заработка за да можат работниците да се издржуваат себе си и своите семејства од платата.
Унилевер е една од најголемите светски компании за производство на стоки за широка потрошувачка, а во нејзиниот синџир на снабдување се вклучени повеќе од 1,5 милиони земјоделци.
Сопственикот на познати брендови како Ben & Jerry и Dove исто така вети дека ќе издвои 2 милијарди евра годишно до 2025 година, наместо сегашните 300 милиони за добавувачи кои се сопственици или управувани од луѓе од недоволно застапени групи.
Двете најголеми закани со кои се соочува светот во моментов се климатските промени и социјалната нееднаквост. Изминатата година несомнено ја прошири социјалната поделба, изјави извршниот директор на компанијата Алан Џоуп.
Покрај оваа компанија, неколку трговци за облека, вклучително и H&M и Asos, се обврзаа да плаќаат плата за живот на вработените во нивните ланци за снабдување со облека. И најголемите ланци на супермаркети во Германија, вклучително и Алди и Лидл, потпишаа доброволен договор минатата година за промовирање на плата за живот во нивните ланци за снабдување.
Но, само неколку компании имаат глобален дострел како Унилевер. Гигантот за широка потрошувачка продава повеќе од 400 брендови во 190 земји, а неговите производи ги користат 2,5 милијарди луѓе.
Платите за живот честопати се значително повисоки од минималните плати, што може да биде екстремно ниско во посиромашните земји. На Брегот на Слоновата Коска, каде Унилевер произведува зрна какао за својот сладолед Магнум, платата за живот во село за 2020 година беше 68 проценти поголема од националната минимална плата.
