Јунскиот дожд уште е тука - Претпладне сонце, кон вечерта освежување

Ќе дува слаб до умерен ветер од северен правец. Утринските температури ќе се движат меѓу 7 и 16 степени, додека дневните ќе достигнат од 27 до 33 степени Целзиусови.

Во Скопје времето ќе биде претежно сончево и топло со мала до умерена облачност. Ќе дува слаб до умерен северен ветер, а температурата ќе се движи од минимални 15 до максимални 32 степени.

Според прогнозите, до средината на следната седмица претпладневните часови ќе бидат сончеви и уште потопли, но поради зголемената атмосферска нестабилност, во попладневните часови ќе постојат услови за локално невреме. Поголема веројатност за појава на краткотрајни поројни врнежи и грмежи има во планинските и југоисточните делови на државата. 

Извор:skopjeinfo.mk