Ваучерите се доделуваат во рамките на Програмата за заштита на ранливи потрошувачи на енергија, а финансиската поддршка е наменета за домаќинства во кои живеат лица што примаат надоместок поради попреченост, согласно со член 44 од Законот за социјалната заштита, како и за домаќинства со деца со попреченост кои се корисници на посебен додаток до 26-годишна возраст.
Списокот со добитниците е објавен на официјалната веб-страница на Министерството.
Граѓаните кои се на листата треба да ја проверат електронската адреса што ја навеле во својот кориснички профил. На неа ќе им бидат доставени решението за стекнатото право, записникот односно прашалникот, како и баркод или QR-код за ваучерот.
Од Министерството посочуваат дека добиените документи треба да бидат испечатени. Со нив, како и со баркодот или QR-кодот, корисниците треба да се обратат кај правно лице со кое МЕРМС има склучено договор за спроведување на мерката.
Избраното правно лице ќе ја изврши набавката и монтажата на инвертер клима-уредот. По завршувањето на постапката, корисникот треба да го пополни доставениот записник, односно прашалник.
Ваучерите може да се искористат најдоцна до 15 октомври 2026 година. По истекот на овој рок тие повеќе нема да важат.
Доколку документите не се доставени или се испратени погрешно, како и за дополнителни информации, добитниците можат да се обратат на ranlivipotrosuvaci@energy.gov.mk или на телефонскиот број 071 320 384.
Од Министерството апелираат граѓаните навреме да ги искористат добиените ваучери и да не ја оставаат постапката за последните денови пред истекот на рокот.