Приватните превозници велат дека во градот нема посебни жолти ленти за автобусите, па кога долгите автобуси влегуваат на раскрсница на трепкаво зелено светло, поради должината на возилото, системот „Безбеден град“ ги регистрира како поминуваат на црвено. Ова значи високи парични казни и одземање на возачката дозвола од возачите.
„Ова може да предизвика сериозни последици во јавниот превоз, бидејќи немаат доволен број возачи за замена, а поголем број изречени забрани за управување би можеле да доведат до паркирање на автобусите и нарушување на редовниот сообраќај“, вели Зафировски.
Тој додава дека превозниците бараат да бидат третирани како посебна категорија со поголема толеранција во рамки на системот „Безбеден град“. Тие предлагаат поврзување на ГПС-системите во автобусите со семафорите, со што би се овозможило нивно вклучување во „паметниот“ зелен бран и избегнување на ваквите ситуации.