Наместо руска салата – KFC пилешко
По завршувањето на постот, следува богата божиќна трпеза. Сарми, салати, кифлички и намази – во такво изобилство ретко кој би забележал осамена кофа со пилешко. Во Јапонија, пак, овој празник се одбележува на поинаков начин. Традицијата ја започнал Такеши Окајама, сопственик на познатиот синџир за пилешко, кој го вовел Божиќ во своите реклами и така засекогаш ги поврзал прженото пилешко и Божиќ!
Наместо подароци – проклиен компир
Навикнати сме на Дедо Мраз и како деца го замислувавме со список на добри и непослушни деца. Родителите често нè плашеле дека, ако не се однесуваме пристојно, нема да добиеме подарок. На Исланд, сепак, не останувате со празни раце – добивате проклиен компир. Секоја вечер, 13 дена пред Божиќ, 13 магични суштества налик на тролови им оставаат изненадување на децата во чевлите. Во зависност од вашето однесување, добивате подарок или компир!
Некаде се пали бадник, а некаде се крие метла
Во Норвешка, божиќната традиција (Julaften) вклучува криење метли, за вештерките и злите духови да не можат да ги најдат. Во древниот норвешки фолклор постоело верување дека Божиќ е ден кога вештерките доаѓаат за да прават неволји. Криeњето метли, а понекогаш и остри предмети, требало да ги спречи да создаваат проблеми за време на празниците.
Не плашете се од пајаците на елката
Црвени, златни, зелени и бели топчиња и снегулки ја украсуваат нашата новогодишна елка. На врвот има ѕвезда, а околу дрвото често се намотани светлечки лампички. Призор на пајак на елката би нè исплашил и би нè потсетил на Ноќта на вештерките, а не на Божиќ. Во Украина, пак, постои верување дека пајаците кои плетат мрежа на елката носат среќа. Затоа семејствата ги украсуваат дрвјата со конци што симулираат пајажина. Се верувало дека божиќниот пајак ќе ја исплете елката на сиромашните семејства, а дека мрежата, на сончева светлина, ќе се претвори во злато или сребро.
Не се сите вештерки лоши!
Висок човек со долга брада, мали очила и голема насмевка, облечен во црвено одело, е топол и весел симбол на празниците. Додека во Норвешка ги кријат метлите од вештерките, во Италија постои добра вештерка – Бефана. Легендата вели дека откако ќе ги остави подароците, таа ја зема својата метла и ја чисти прашината, но и сите грижи што го мачеле семејството во изминатата година.