„Не тврдиме дека ќе живеете во луксуз со 1200 долари месечно“, вели Џенифер Стивенс, извршна уредничка на магазинот. „Но не мора да се откажете ниту од комфор, ниту од уживање. На вистинските места, овој скромен буџет може да значи многу. Можете да изнајмите убав стан, да се храните добро, да ја истражувате околината, па дури и нешто да заштедите.“
Поентата на Стивенс е јасна: на овие дестинации 1200 долари месечно можат да обезбедат животен стандард кој во САД би чинел повеќекратно повеќе. За илустрација, просечните месечни трошоци за живот за пар во САД изнесуваат 6546 долари, според истражување на трошоците што го спроведе Бирото за трудова статистика. Истовремено, просечно домаќинство постаро од 65 години троши околу 4000 долари месечно, според податоците на Подружницата на Федералните резерви во Сент Луис.
Топ дестинации
Европа:
Албанија – Приморските градови Влора и Саранда нудат медитерански стил на живот по ниски цени. Стан: 305–405 €, оброк < 9 €.
Бугарија – Градовите Пловдив и Варна. Стан околу 380 €, вечера за двајца 15 €.
Латвија – Помалите градови Кулдига и Цесис. Стан од 218 €, кино 6 €.
Литванија – Градовите Шјауљај и Паневеже. Стан околу 435 €, храна 305 € месечно.
Романија – Крајова и Сибиу. Стан од 335 €, вечера за двајца 9,5 €.
Централна и Јужна Америка:
Колумбија – Градови Манисалес, Переира. Стан 215–350 €, храна 175 €.
Ел Салвадор – Санта Ана и Рута на цвеќето. Стан 175–260 €, оброк < 4,5 €.
Никарагва – Градови Леон, Гранада. Стан 520 €, храна 260 €.
Перу – Куско, Арекипа. Стан 220–380 €, автобус 0,25 €.
Азија:
Бали (Индонезија) – Стан 350–435 €, оброк во ресторан < 13 €.
Камбоџа – Пном Пен, Сием Реап. Стан од 175 €, оброк 1,75–8,7 €.
Шри Ланка – Стан 240–300 €, воз 3,5 €.
Тајланд – Чијанг Мај. Стан од 55 €, улична храна 2,2 €.
Виетнам – Ханој, Да Нанг. Стан од 230 €, оброк 2,5 €.
Клучни совети:
Живејте како локалците, одберете помали градови и долгорочно изнајмување. Трошоците се значително пониски надвор од главните градови. Можно е да се ужива во квалитетен живот, побавен ритам и локална култура.