Според прогнозата, денеска (четврток) времето ќе биде променливо облачно и релативно топло за овој период од годината.
Во утринските часови во одделни котлини ќе има услови за појава на магла, а во текот на денот ќе дува умерен јужен ветер, кој повремено ќе засилува.
Минималните температури ќе се движат од 6 до 12 степени, додека максималните ќе достигнат од 17 до 21 степен.
Во Скопје се очекува претежно облачно време, со утринска температура од околу 8 степени и дневна до 17 степени.
Петок со силен ветер и температури над просекот
Во петок, 13 ноември, ќе се задржи релативно топлото време, со температури повисоки од вообичаените за овој период од годината.
Сепак, главна карактеристика на денот ќе биде засилениот јужен ветер, кој на места ќе биде силен и ќе надминува 80 километри на час.
Поради силните налети, се препорачува внимателност при движење на отворено, особено во близина на дрвја, нестабилни предмети и конструкции.
Од сабота пристигнува постуден воздух
Промена на времето се очекува од сабота, кога од север ќе навлезе постудена воздушна маса.
Тоа ќе донесе постепено опаѓање на температурите и посвежо време во поголем дел од земјата.
Во наредните денови ќе преовладува променливо облачно време, со повремени локални врнежи од дожд со слаб до умерен интензитет.
Во утринските часови повторно ќе има услови за појава на магла во одделни котлини.
Според најавата на УХМР, по релативно топлиот период, викендот ќе донесе посвежо и променливо време, а најизразената временска појава во петок ќе биде силниот јужен ветер.