Во недела (7 јуни) ќе се монтираат нови семафори на дел од булеварот „Александар Македонски“ - одреден период сообраќајот ќе биде отежнат

Од јавното претпријатие посочија дека на истоимениот пешачки премин ќе бидат воведени и нови светлосни сигнали, согласно одобрен ОС Проект, кои од неодамна беа оштетени од сообраќајната незгода.

„Првата фаза на изведба на портална греда ќе биде од страната на влез во Скопје и сите возила ќе се пренасочат кон Клучката за Сингелиќ и Маџари. Втората фаза на изведба на порталната греда ќе биде страната излез од Скопје и сите возила ќе се пренасочат кон улицата „Благоја Стефковски“, посочија од „Улици и патишта“.

Екипите на јавното претпријатие на споменатите локации ќе постават сообраќајна опрема и сигнализација, а ќе бидат распоредени и редари.

„Сообраќајот во неколкучасовен период ќе се одвива отежнато, но без прекини, поради тоа апелираме до граѓаните за трпение до завршување на работите согласно предвидената динамика“, порачаа од „Улици и патишта“.

Извор:skopjeinfo.mk