Причината не е повисока плата, туку нешто што го сметаат за повредно – можноста за професионален развој и напредување.
Растот и учењето се поважни од парите
Студија на Youngstown State University покажува дека дури 46% од припадниците на генерацијата Z се подготвени да ја напуштат работата доколку таа не им нуди можности за усовршување, дополнително образование или јасно дефиниран пат за напредување. Оваа генерација не бара само вработување – таа бара ангажман, предизвици и можности за развој на своите вештини, пренесува Index.
Во истражувањето се наведува дека тие бараат работни места кои нудат бенефиции како кофинансирање на образованието, флексибилно работно време и интерни едукативни програми. Кога можностите за развој се ограничени, многумина веднаш почнуваат да размислуваат за промена на работодавачот, бидејќи поддршката за професионален напредок директно влијае врз нивните кариерни одлуки.
Побрзо планираат заминување отколку претходните генерации
Пит Фримен од Youngstown State University истакнува дека генерацијата Z е подготвена да ја напушти работата во потрага по подобри можности за напредување и нагласува дека висината на платата не е пресуден фактор.
Истражувањето, исто така, покажува дека 86% од припадниците на генерацијата Z нема дополнително да ги развиваат своите вештини доколку работодавачот не им обезбеди финансиска поддршка. Ова укажува дека оваа генерација ја цени долгорочната сигурност и развојот, но нема да остане на работно место кое не ѝ овозможува напредок.
Генерацијата Z ги менува правилата на игра на пазарот на трудот. За нив платата повеќе не е единствениот мотив – клучни се можностите за раст, учење и јасно дефиниран професионален пат. Работодавачите кои сакаат да ги задржат младите таленти ќе мора да размислуваат долгорочно и да инвестираат во развојот на своите вработени, бидејќи за оваа генерација личниот и професионалниот напредок ги надминуваат самите финансиски бенефиции.